كشفت الفنانة دينا الشربيني عن دخولها في قصة حب جديدة من خلال حديثها عن حالة التوازن التي تعيشها حالياً على المستوى الشخصي بين الحب وعملها.
وتحدثت في لقاء تلفزيوني عن حبها الشديد لعملها إلا أنها تحاول بشدة الموازنة بين حياتها الشخصية والفن، لافتة إلى أنها نجحت في هذا الآن.
وقالت دينا الشربيني: “أنا بحب إحساس الحب جداً، ودايماً بقول إن الحب مش معناه حب بين واحد وواحدة أو واحد ومراته، الحب عموماً بين الناس والأهل والصحاب، فكرة الحب بحبها، وبحب الشغل أوي ولكن لازم يكون فيه توازن، وأنا الحمد لله عايشة حالة التوازن دي”.
وردت دينا الشربيني على سؤال مقدمة البرنامج عن نجاحها في تحقيق هذه المعادلة، أكدت نجاحها بالفعل في إشارة منها لتخطيها أزمتها العاطفية الأخيرة، معلقة: “حلو التركيز في الشغل ولكن لما بيبقى فيه حد حلو في الحياة بيحب وبيشجع على الأحسن، لأن الشغل جزء من الشخصية، أكيد ده بيساعد في الحياة”.
ولفتت دينا الشربيني إلى أن هناك صفات للشخص الذي سترتبط به قائلة: “لازم يكون شخص لذيذ ودمه خفيف”… لتسألها المذيعة: هو لذيذ؟ فتجيب دينا: “لذيذ قوي”… في إشارة إلى مرورها بعلاقة عاطفية جديدة.
وتابعت قائلة: “مفيش حد بتحبيه هتنسيه بسهولة علشان فيه عشرة وتفاصيل كتير لكن لازم كل حد يبقى في حاجة يعرف إن الحاجة دي ممكن تخلص ولو خلصت يبقى ده الأحسن علشان ربنا شايل له الأحسن، وأنا عندي الحمد لله حاجة كويسة وهي فكرة الرضا والتأقلم، يعني أنا هقاتل علشان حاجة أنا هقدر أعملها، ولكن مش هقاتل على حاجة خلاص مش هتنفع”.
وسائل إعلامية